Bari Hi Tarteeb Se Mujh Ko Kafir Banaya Gaya

Bari Hi Tarteeb Se Mujh Ko Kafir Banaya Gaya

Aadmi Ko Khuda Bana Kar Mere Samny Laya Gaya

Jab Bhi Puchne Gaya Me Apne Junoon Ka Elaj

Be-Rehmi Se Mujh Ko Kitabon Me Phasaya Gaya

Chand Logon Ki Bat Na Man'ny Par

Mere Hi Samny Mujh Ko Jalaya Gaya

Teri Rehmaton Ki Misaal Such Me Nahi

Kaaba Torne Wala Bhi Kabay Me Paya Gaya

Khatam Hui Talash Apne Dushman Ko Dhundne Ki

Kal Jab Mujhe 'Abbas' Aina Dikhaya Gaya...

Blogger: Waqas Ali

Samny Manzil Thi Aur Piche Uski Awaz

Samny Manzil Thi Aur Piche Uski Awaz

Rukta To Safar Jata, Chalta To Bichar Jata

Maykhana Bhi Usi Ka Tha, Mehfil Bhi Uski Thi

Agr Peeta To Emaan Jata, Na Peeta To Sanam Jata

Saza Aisi Mili Mujh Ko, Zakham Aise Lage Dil Par

Chupata To Jigar Jata, Sunata To Bikhar Jata...

Qabar Ki Aghosh Me Thak Kar So Jati Hai Maa

Qabar Ki Aghosh Me Thak Kar So Jati Hai Maa

Tab Kahin Ja K Thora Sukoon Pati Hai Maa

Fikar Me Bachon Ki Kuch Is Tarha Ghul Jati Hai Maa

Naujawan Hote Hue Bhi Burhi Nazar Ati Hai Maa

Rooh K Jazbon Ki Ye Gehraiyan To Dekhiye

Chaut Hum Ko Lagti Hai Aur Chillati Hai Maa

Chahe Hum Khushiyon Me Maa Ko Apni Bhool Jaen Lekin

Jab Museebat Sir Pe Aye To Yaad Ati Hai Maa

Shukriya Ho Hi Nahi Sakta Kabhi Us Ka Adaa

Marte Marte Bhi Dua Jeeny Ki De Jati Hai Maa

Pyar Kehte Hain Kise Aur Mamta Kya Cheez Hai

Ye To Un Bachon Se Pucho Jin Ki Mar Jati Hai Maa...

Abhi Urooj Par Hai Tumhara Mosam

Abhi Urooj Par Hai Tumhara Mosam

Khizaan Me Tum Ko Khareed Lenge

Bano Ge Hum Se Rehem K Taalib

Na Tum Ko Mohlat Mazeed Denge

Adaa K Qissay Hue Purany

Jafa Ka Mosam Khatam Hi Samjho

Karenge Tum Se Hisaab Jana

Na Tum Ko Mohlat Mazeed Denge

Wafa Ki Lalach Me Hum Ne Jana

Khoon Apna Jala Diya Hai

Faraib-o-Masti K Badlay Tum Ko

Saza Bhi Sun Lo Shadeed Denge

Abhi Urooj Par Hai Tumhara Mosam

Khizaan Me Tum Ko Khareed Lenge...

Mere Dil Ko Aate Hain Khayal Kese Kese

Mere Dil Ko Aate Hain Khayal Kese Kese

Jane Wala De Gaya Hai Sawaal Kese Kese

Meri Manzil Ki Jaanib Koi Rahguzar Hi Nahi

Taqdeer Bunn Rahi Hai Ab K Jaal Kese Kese

Kabhi K Din Bary Kabhi Ki Raatain

Zindagi Ne Guzaar Diye Maah-o-Saal Kese Kese

Lamha Lamha Khamosh Rehna Lamha Lamha Udaas

Hum Ne Paal Liye Hain Wabaal Kese Kese

Humy To Pyar Faqat Us Ek Chehray Se Tha

Wagarna Dekhne Ko Hain Husn-o-Jamaal Kese Kese

Khamoshi Kisi Sawal Ka Jawab Kya Ho Akaash

Khamoshi Khud Paida Karti Hai Sawaal Kese Kese...

Submitted By: Arshad Raja